Suko na — P-Digong | GUSTO KO NANG MAGPAKAMATAY

DAHIL sa rami umano ng problema ng Pilipinas, ito ang mag-uudyok para mag­­bigti ang pinakamataas na pinuno ng bansa.

Ito ang inihayag ni Pa­ngulong Rodrigo Duterte sa kanyang pamamahagi ng certificate of land ownership award (CLOA) sa mga ag­rarian reform beneficiary sa Lagao Gymnasium, General Santos City.

“Honestly, if you were the president of a nation such as this, you would be tempted to hang yourself because there are so many problems,” ani Duterte.

Kabilang sa mga proble­ma na tinukoy ng pangulo ang communist insurgency at illegal drug trade.

“Our war with the NPA (New People’s Army) has taken a toll of almost three generations. Fifty-three years. Those who were born then have children now, and their children are having children of their own,” sabi ng Chief Executive.

Sa simula ng kanyang talumpati, nagsalita ang pa­ngulo sa likod ng makapal na bulletproof glass na ini­lagay ng Presidential Security Group para sa protek­siyon nito.

Binigyang-diin ni Du­­terte na wala siyang nagawang mali para sa bansa para ba­rilin sa harap ng publiko.

“Why would you shoot me when I did nothing wrong to you? Just choose anyone from them here. They all came from the military. They are all generals,” paliwanag niya.

Dahil dito, hiniling ng pa­ngulo sa kanyang staff na alisin ang bulletproof glass na nasa harapan ng kan­yang podium kasabay ng biro na may granada siyang naka-standby sakaling may banta laban sa kanya.

“Kindly remove this. Otherwise I will not speak. I want you to be blamed if I die. I have a grenade here. I will throw it at you,” ayon kay Duterte.

Matatandaang, unang ginamit ng PSG ang natu­rang bulletproof glass sa campaign rally ng PDP-La­ban sa Ma­labon City noong Abril at sinunod na ginamit sa mga presidential engage­ment na nasa pam­publikong lugar.