Seaman nilikida ng gunman

CEBU—Isang seaman ang namatay nang barilin ng hindi kilalang armadong salarin, kamakalawa sa Bgy. Bato, Toledo City sa lalawigang ito.

Ang biktima ay nakilalang si Ronnie Obenza, nakatira sa nabanggit na barangay.

Nabatid na papasok na si Obenza sa kanilang bahay nang sumulpot ang suspek at agad pinagbabaril ang biktima hanggang sa mapatay.

Iniimbestigahan na ng pulisya ang motibo ng suspek sa pamamaslang sa biktima.