Plunder vs. Jinggoy at Napoles, tuloy

MAY natukoy nang ma­ti­bay na batayan ang San­di­ganbayan upang ipagpatu­loy ang paglilitis sa kaso laban kay dating Senador Jing­goy Estrada at sa con­victed plunderer na si Janet Lim Napoles kaugnay sa umano’y maanomalyang paggamit ng P183 milyong halaga ng Priority Develop­ment Assistance Funds (PDAF) o pork barrel.

Ito ay kasunod ng pag­ba­sura ng 5th Division ng San­diganbayan sa inihaing de­murrer sa mga ebidensiya la­ban kina Estrada at Na­poles. Ang demurrer ay isang mosyon na layong agad na ibasura ang kaso dahil sa ma­hinang ebidensiya. Binig­yang-diin ng Anti-Graft Court na sapat ang mga inilatag ng prosekusyon na mga katiba­yan para matu­koy na guilty sa kaso sina Estrada at Napoles.

“This court is convinced that the prosecution presen­ted sufficient evidence, both testimonial and documen­tary, which established each element of the crime of plun­der against the accused,” ayon sa Sandiganbayan.

“This, if unrebutted by contrary evidence, is suffi­cient to support a convic­tion,” dagdag pa nito.

Kasalukuyang nakala­laya pansamantala si Estrada matapos mapayagan na ma­kapagpiyansa.

Partikular na tinukoy sa resolusyon ang kasunduan nina Napoles at Estrada na idaan ang PDAF alloca­tion nito sa mga non-govern­ment organization (NGO) at So­cial Development Prog­ram for Farmers Founda­tions, Inc. (SDPFFI) na may ko­misyong aabot sa 40 hang­gang 60 porsiyento kapalit ng kickback at komis­yong paghahatian umano nila.

Sa kabila ng depensa ng kampo nina Estrada at Na­poles, sinabi ng Sandigan­bayan na nakapagpakita ang Office of the Ombudsman ng basehan tungkol sa sab­watan umano ng dalawa upang payamanin ang kani-kanilang sarili gamit ang pondo ng taumbayan.

Ang lahat umano ng mga transaksiyon tungkol sa galaw ng multi-milyong pi­song pork barrel funds ay nai-record ng whistleblower na si Benhur Luy.