Katayan ng motorsiklo ni-raid, 5 timbog

LIMANG hinihinalang drug personalities na sang­kot umano sa pagnanakaw at pagkatay ng mga motor­siklo ang arestado sa Caloo­can City, kahapon ng mada­ling araw.

Kinilala ni Caloocan Police Chief P/Col. Noel Flo­res ang mga suspek na sina Angelo Arboleda, 38; Hen­rick Paul Mendoza, 32; Mark Ramirez, 24; Roy San­tos, 40, at Niño Manacho, 36, pawang mga residente ng Bgy. 176, Bagong Silang.

Ayon kay Caloocan Po­lice Deputy for Administra­tion P/Lt Col. Ferdie del Ro­sario, nagkasa ng follow-up operation ang mga tauhan ng ANCAR at PCP-3 sa pa­ngu­nguna ni Maj. Raymond Nicolas kontra sa sindikato na nagnanakaw at nagka­katay ng mga motorsiklo ka­sunod sa pagkakaaresto ng kanilang miyembro na si Maico Dejoras noong June 9, 2019.

Isa sa mga biktima na si Philen Tulawie ang humingi ng tulong sa pulisya nang ma­kita niya ang isa sa mga suspek na palabas ng com­pound na nagsilbing katayan ng motorsiklo sa Phase 9 Maharlika, Bgy. 176 habang bitbit ang markadong rim ng kanyang motorsiklo.

Alas-2:30 ng madaling-araw nang salakayin ng mga pulis sa pangunguna nina Maj. Nicolas at Capt. Elany Val­langca, ang naturang lu­gar na nagresulta sa pagkaka­aresto sa mga suspek.

Narekober sa mga sus­pek ang tatlong sachets ng hinihinalang shabu, ilang drug paraphernalias at 12 pinani­ni­walaang nakaw na motorsiklo. Ani Maj. Nico­las, posi­tibong kinilala ng bik­timang si Tulawie, kasama sina Mark Lester, 30; Tracy Bal­len at Sabalza Anita, 42, ang kanilang mga motorsiklo na kasama sa mga narekober.