Kung maaaring maging foster parent ng kanyang pamangkin kahit limang taon lang ang kanilang agwat

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Magandang araw! Nais kong malaman kung maa­ari ba akong maging foster parent ng aking pamangkin kahit na limang taon lamang ang aming agwat sa edad? — Iris

Dear Iris,

Para sa inyong kaalaman, ang batas na nakasasaklaw sa inyong katanungan ay ang Rule 6 ng Implementing Rules and Regulations (IRR) ng Republic Act (R.A.) No. 10165 o mas kilala sa tawag na Foster Care Act of 2012 kung saan nakasaad na:

“RULE 6. Who May Be a Foster Parent. – To qualify as a Foster Parent, an applicant must meet all of the following:

(a) x x x;

(b) Must be at least sixteen (16) years older than the Foster Child unless the applicant is a relative of the Foster Child;” (Binigyang-diin)

Samakatwid, ang foster parent ay dapat mayroong labing-anim (16) na taong agwat sa kanyang foster child. Subalit, ang panun­tunang ito ay maaaring hindi masunod kung magkamag-anak ang foster parent at kan­yang foster child.

Nawa ay nasagot namin ang inyong mga katanungan. Nais na­ming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagka­kaintindi namin dito. Maaaring maiba ang opinyon kung mayro­ong karagdagang impor­masyong ibibigay. Mas mainam kung personal kayong sasangguni sa isang abogado.