Bangka nabangga ng barko ng Chinese, lumubog, iniwan | 22 PINOY NA-‘HIT-AND-RUN’ SA WPS

INABANDONA ha­bang papalubog ang bang­ka ng mga Pilipinong ma­ngi­ngisda matapos ma­bang­ga ng Chinese fishing vessel sa Rector Bank sa West Phi­lip­pine Sea.

Kinumpirma ni De­fense Secretary Delfin Lo­renzana na nakaangkla ang F/B GIM­V­ER 1 nang mabangga ng bangka ng China noong Ling­go ng gabi.

Aabot sa 22 tripulante at mangingisda ang sa­kay ng nadisgrasyang bangka.

Mariing kinondena ni Lo­renzana ang hindi pag­saklolo ng Chinese boat sa mga Pi­li­pinong sakay ng bangka ma­tapos ni­lang mabangga ito.

“We denounce the ac­tions of the Chinese fishing vessel for immediately lea­ving the incident scene aban­doning the 22 Fili­pino crew­men to the mercy of the ele­­ments,” ayon kay Loren­zana.

Hindi aniya ito ang ina­asa­hang aksiyon mula sa isang responsable at kaibi­gang bansa.

“We condemn in the strongest terms the co­wardly action of the Chi­nese fishing vessel and its crew for aban­doning the Filipino crew. This is not the expected ac­tion from a responsible and friend­ly people,” dag­dag pa ng kalihim.

Nais ni Lorenzana na magkaroon ng pormal na imbestigasyon tungkol sa insidente at ang pagtu­tulak ng diplomatikong hakbang upang hindi na maulit ang nangyari.

Nagkataon namang may dumaang barko ng Viet­nam sa lugar na nag­lig­tas sa 22 mangingis­dang Pilipino.