Sakto at ipinagdiriwang natin ito ngayon... 5 THINGS NA MAY KAUGNAYAN SA ARAW NG KALAYAAN

FOR sure, alam na­ting lahat kung ano ang ipinagdiri­wang ngayong araw. Marahil, napag-ara­lan na natin noon ang ilang detalye sa Araw ng Kalayaan, pero, talaga bang alam na natin ang la­hat ng tungkol dito? Kung hindi pa, na­rito ang ilang ba­gay tungkol sa Araw ng Kalayaan:

1. Philippine flag can be use in peace and war. Ayon sa Republic Act No. 8491, may iba’t ibang uri ng paggamit sa ating wa­tawat. Ang tamang posis­yon ng watawat kapag ito ay nakawagayway sa ha­ngin at nasa itaas ang bug­haw, ngunit, noong pa­na­hon ng digmaan, ang bug­haw ang nasa ibaba at ang pula ay nasa ibabaw.

Kung ito ay nakasabit, ang bughaw ay nasa ka­nan para sa kapayapaan at pula ang nasa kaliwa sa oras ng digmaan.

2. THE FLAG WAS USED BEFORE INDE­PENDENCE DAY. Ang watawat ng Pilipinas na inilabas noong ika-28 ng Mayo 1898 ay nawala sa Tayug, Pangasinan noong pumunta si Heneral Emilio Agui­naldo sa Hilagang Lu­zon para sa Filipino-American War.

Gayunman, ang ka­una-unahang watawat ng Pilipinas ay makikita sa museo sa Baguio City.

3. July 4 was ob­served as Inde­pendence Day un­til 1962. Noong Hunyo 12, 1898, idineklara ni Heneral Emilio Aguinaldo ang kalayaan ng Pilipinas mula sa Espanya, ngunit, dahil sa Treaty of Paris, hawak pa rin tayo ng mga Ame­rikano dahil sa pag­benta ng Espanya sa atin. Pag­katapos ng 48 taon, naka­mit ng Pilipinas ang tunay na kalayaan mula sa mga Amerikano noong ika-4 ng Hulyo 1946. Gayun­man, ipinag­di­riwang ang Araw ng Kalayaan tu­wing ika-4 ng Hulyo, ngunit, sa ilalim ng pamamahala ni dating Pa­ngulo Diosdado Macapa­gal, bi­nago ito at naging ika-12 ng Hunyo.

4. The national anthem. Ang Pam­bansang Awit ay orihinal na isinulat bilang inciden­tal marching music at wa­lang lyrics nang ipina­tug­tog sa proklamasyon ng kalayaan ng Pilipinas noong 1898.

Ginamit ang lyrics noong 1899 na nilikha ni Jose Palma mula sa kan­yang tula. Noong Set­yem­bre 5, 1938, binig­yang-kulay ni Julian Fe­lipe ang Pambansang Awit na pina­magatang Lupang Hini­rang na ang ibig sa­bihin ay “Chosen Land”.

5. THE THREE STARS IN THE FLAG. Ayon sa kaalaman ng ka­ramihan, ang tatlong bi­tuin sa watawat ng Pilipi­nas ay sumisimbolo sa Lu­zon, Visayas at Minda­nao, ngunit, ayon sa mga eksperto, ito ay sumi­sim­bolo sa Luzon, Panay at Mindanao dahil ang na­banggit na mga lugar ang nagsimula ng rebolusyon sa bansa. Matagal na pa­na­hon ng paghihintay at pakiki­paglaban ang gi­nawa ng mga Pilipino noon upang makamit ng bansa ang tu­nay na kalayaan.

Kaya bi­lang Pinoy, da­pat ta­yong manindigan na hindi na dapat sakupin ninuman ang ating bayan. Maliga­yang Araw ng Ka­layaan, mga ka-BULGAR!