Health certificate para sa mga empleyado ng beauty parlor

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta, Gusto kong maging beautician kaya namasukan ako sa parlor. Tinanggap ako rito ngunit, sinabi sa akin ng may-ari na kinakailangan ko raw munang kumuha ng health certificate. Totoo ba ito? — Millet

Dear Millet, Para sa inyong kaalaman, ang inyong suliranin ay tinatalakay sa Presidential Decree (P.D.) No. 856 o “The Code on Sanitation of the Philippines”. Nabanggit sa Chapter XII, Section 58 (a) (3) ng nasabing batas na:

“CHAPTER XII TONSORIAL AND BEAUTY ESTABLISHMENTS Section 58. Definition of terms as used in this chapter, the term “Tonsorial and Beauty Establishments” include barber shops, beauty parlors, hairdressing and manicuring establishments and figure slendering salons.

(a) Requirements. These establishments are subject to the following requirements:

1. A sanitary permit shall be procured from the local health authority before their operation.

2. They shall be maintained clean and sanitary at all times.

3. No person shall be employed to service customers without a health certificate issued by the local health authority.” (Binigyang-diin)

Samakatwid, malinaw na nabanggit sa batas na lahat ng magtatrabaho sa beauty establishment ay kinakailangang magkaroon muna ng health permit mula sa local health authority.

Nawa ay nasagot namin ang inyong mga katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa isang abogado.