Drug dealer dedo sa drug-bust

CABANATUAN CITY—Isang drug dealer ang napatay nang manlaban at makipagbarilan sa pulisya na nagsagawa ng drug-bust operation, kamakalawa sa Bgy. MS Garcia sa lungsod na ito.

Ang suspek ay nakilalang si Felix Belga, nakatira sa naturang lungsod.

Ayon sa ulat, darakpin sana sa drug-bust operation si Belga, pero nanlaban ang suspek at pinagbabaril ang pulisya.

Kaagad namang gumanti ng putok ang mga awtoridad na naging dahilan kaya napatay ang suspek.