Lalo na ngayong marami ang mabilis panghinaan ng loob... TIPS PARA MAGABAYAN NANG MAAYOS ANG MGA ANA
FOR sure, mayroon tayong mga beshy na ngayon lang nagkaroon ng anak na nag-aaral at dehins pa knows kung ano ang mga tamang hakbang para magabayan sila. Kaya, alamin natin ang 5 tips para sa mga magulang na nangangapa pa pagdating sa pag-aaral ng kanilang mga anak:
1. BE PATIENT. Siguro, alam na ninyo na sa pagkakaroon ng pamilya at pagpapalaki ng mga anak, kinakailangan talaga ng mahabang pasensiya, partikular kapag may assignments ang inyong anak kung saan imbes na gawin nila ito, eh, mas inuuna pa nila ang maglaro. Kaloka!
2. DON’T UNDERESTIMATE THEIR SKILLS. Kahit bata pa sila, siyempre, may damdamin din ang mga ‘yan, kaya kapag hindi sila perfect sa seatwork o bagsak sila, huwag kaagad silang pagalitan. ‘Ika nga, “don’t belittle me, teach me”.
3. ALWAYS GIVE PRAISE. Masarap sa pakiramdam kapag may pumupuri sa iyo, kaya kung bet ninyong ganahan ang inyong mga anak sa pag-aaral, make sure na paminsan-minsan ay pupurihin ninyo ang kanilang mga gawa. Okay?
4. BE A ROLE MODEL. May mga pagkakataong dapat nating ikuwento sa ating mga anak ang mga naranasan natin noong nag-aaral pa tayo kung saan minsan, eh, bumabagsak tayo o kaya ay nag-e-excel sa klase.
5. KNOW THEIR STRENGTH AND WEAKNESSES. Ang lahat ng bata ay may kakayahan at kahinaan, mainam kung aalamin ang kakayahan at kahinaan na mga anak nang sa gayun ay maintindihan natin sila kung bakit nahihirapan silang sagutin ang assignment o seatwork.
Oh, ayan, parents, ngayong alam na natin ang mga bagay kung paano magagabayan nang tama ang ating mga anak, gets n’yo na, ha? Iwasan ang pagiging mainitin ang ulo, copy?
Comments