FANS SA PBA YEARLY BLOOD DONATION, INAANYAYAHAN

MAGDARAOS ang PBA ng taunang blood donation drive sa Hunyo 16 sa Smart Araneta Coliseum.

Sa ikaapat na taon na ito, ang proyekto ay kaugnay ng the league Corporate Social Responsibility (CSR) venture sa pamamagitan ng Alagang PBA program.

Ka-partner ng Philippine Red Cross at Smart Araneta Coliseum, ang blood donation drive ay magsisimula ng alas-12 ng tanghali sa green gate ng Big Dome.

Ang mga kuwalipikado ay dapat nasa edad 18 hanggang 60 at iyong nasa 61-65 years old ay dapat regular na blood donor, habang ang batang donors na may edad 16-17 years old ay dapat may pahintulot ng magulang.

Ang donors ay dapat ding may bigat na at least 110 lbs. (50 kgs. Above) at walang ubo, sipon, diarrhea at sore throat ng isang linggo.

Dapat ay may tatlong buwan na interval kada pagdo-donate ng dugo, habang ang 12-month deferment ay required sa mga sumailalim sa ear piercing at body tattoo.

Ang iba pang requirements ay dapat nasa 90 at 160 (systolic) ang blood pressure at sa pagitan ng 60 at 100 ang diastolic habang ang pulse rate ay nasa pagitan ng 50 at 100 beats per minute, at ang hemoglobin level ay at least 125 g/L o dapat pumasa sa qualitative check ang hemoglobin.

Samantala, tumatanggap ang award-winning Best Center ng enrollees sa basketball at volleyball classes sa Ateneo College covered courts hanggang ngayon.

Sinabi ni Nic Jorge, founding president ng Basketball Efficiency and Scientific Training Center na ang klase na nagsimula noong Lunes ay tatagal hanggang sa Hunyo 15.

Ang sessions ay nakaiskedyul ng Martes, Huwebes at Sabado, mula 8-11:30 a.m. (ATD/MC)