Kahit sablay at walang ‘K’ basta malakas kay P-Duterte, lusot?!
BATAS SA PARTYLIST, BINALAHURA NG COMELEC DAHIL KAY CARDEMA— Nabalahura na naman ang batas nang aprubahan ng Comelec na maging congressman ng Duterte Youth Partylist si ex-National Youth Commission (NYC) Chairman Ronald Cardema.
Malinaw sa Comelec rules, edad 30 pababa ang nominado sa mga partylist na pangkabataan at ang last day ng substitution ay noong Nov. 29, 2018, pero si Cardema ay 33 years old at noong May 12, 2019 (isang araw bago ang eleksiyon) lang siya nag-substitute sa kanyang misis na 1st nominee, pero sa kabila ng mga isyu, inaprubahan ng Comelec na siya ang maging congressman ng Duterte Youth Partylist.
Iba talaga kapag malakas kay P-Duterte, buwisit!
◘◘◘
P-DUTERTE, KAILAN KAYA MAI-EVICT SA MGA ‘RAPE JOKE’?—Hinatulan ng forced eviction sa programang Pinoy Big Brother (PBB) si Banjo Dangalan kaugnay sa ginawa nitong ‘rape joke’ sa loob ng Bahay ni Kuya.
Dapat lang kasi hindi magandang biro ang tungkol sa rape.
Siguro, idolo ni Banjo si P-Duterte kasi tulad ng pangulo, mahilig din siyang mag‘rape joke’, tsk-tsk-tsk!
◘◘◘
SURVEY NA HAPPY ANG MARAMING PINOY, HINDI KAYA JOKE?—Sa survey ng Social Weather Stations (SWS), 44% daw ng mga Pinoy ay happy sa kanilang pamumuhay ngayon.
Ganu’n, hindi kaya joke din ‘yan? Napakarami kasing jobless, naghihirap at nagugutom dahil sa mataas na presyo ng mga bilihin. Isa pa, pati ang murang presyo ng NFA rice, nawala na sa merkado tapos sa survey ng SWS, marami raw happy, boom!
◘◘◘
ANG SUWERTE NG MGA SABIT SA ILIGAL NA DROGA, PROMOTED PA!—Matapos i-promote ni P-Duterte si BOC Deputy Commissioner Vener Baquiran, ang BOC official na nasangkot noon sa P11 billion shabu smuggling ay na-promote rin bilang chairman ng National Commission on Indigenous Peoples (NCIP) si ex-Manila International Airport Authority (MIAA) Asst. Gen. Manager Allen Capuyan na nasangkot din noon sa P6.4 billion shabu smuggling sa Bureau of Customs (BOC)
Ang suwerte ng mga nasasangkot sa shabu smuggling, napo-promote pa sa Digong gov’t., buwisit!
Comments