SA PILIPINAS IDARAOS ANG SEAG, TIYAKING MAGTATAGUMPAY ITO

NANINIWALA sa slogan “We will as One,” sinabi ni Philippine Sports Commission Chairman at Chief of Mission William Ramirez na para masiguro ang tagumpay ng Southeast Asian Games, ang lahat ng opisyal ay kailangang magtulungan at magka-isa sa isang layunin na mapatakbo ng maayos ang 11-nation 30th edition biennial meet na aarangkada sa Nobyembre sa bagong gawang New Clark City Sports Complex sa Tarlac City.

Sa unang team Philippines Delegation meeting sa Philippine International Convention Center na nagsilbing media center noong 2005, sinabi ni Ramirez sa overall assessment na magagawa at makakamit ang tagumpay ng SEA Games kung lahat ay magkakaisa at magtutulungan sa isang adhikain.

“We are thriving for excellent. The only way to accomplish the feat is to work as a team and pull our resources together for one common purpose to ensure the success of the SEA Games. This is one moment in time to show our peers in Southeast Asia, we are solid and united in all field of endeavour,” wika ni Deputy General Manager Roberto A. Garcia.

Naglaan ang PSC ng P6-B bilang financial assistance para masiguro ang tagumpay ng SEA Games. Ang meeting ay dinaluhan ni POC president Ricky Vargas at mga pinuno ng iba’t-ibang National Sports Associations kasama si PHISGOC executive director at Southeast Asian Triathlon president Tom Carrasco Jr. at POC secretary general Patrick Gregorio. Hindi nakadalo si PHISGOC chairman Alan Peter Cayetano.

Ayon sa kanya, walang imposible kung lahat ay magkakaisa sa isang layunin at ito ang tamang panahon na ipakita sa ibang bansa na tayo ay masaya at nagkakaisa upang maitaguyod at masiguro ang tagumpay ng SEAG na pang-apat na beses nang gagawin sa ‘Pinas mula noong 1981 na huling ginawa sa Malaysia noong 2017.