Sa pananatili bilang Senate President | 13 SENADOR, SUPORTADO SI SOTTO

HINDI napigilan ni Se­nadora Cynthia Villar na komprontahin sina Senador Manny Pacquiao at Senador Aquilino “Koko” Pimentel III dahil idinadawit ito sa isyu ng agawan sa Senate Pre­si­dent post para sa 18th Con­gress.

Matatandaang, lumabas sa mga nakaraang balita ang pangalan ni Villar para sa pagka-Senate President na mariing itinanggi naman ng senadora.

Pinagsabihan ni Villar sina “Koko” at Pacquiao na huwag itong isasali sa away nila ni Senate President Vi­cente Sotto III. Pinayuhan pa ng sena­dora sina Pacquiao at Pi­men­tel na bakit hindi kausapin ang kanilang kapartido at si Sotto para matapos na ang gulo.

Matapos ang pagkum­pronta ni Villar sa dalawa, dali-dali itong umalis ng ple­naryo. Kasabay nito, nagsalita naman si Pacquiao sa ple­naryo at binasa ang resolus­yon na nagpapa­hayag ng suporta ng mga senador sa pamumuno ni Sotto kung saan pumirma rito ang 13 senador.

Kinabibilangan ang 13 senador nina Pacquiao, Pi­mentel, Senate President Pro Tempore Ralph Recto, Ma­jo­rity Leader Juan Miguel Zubiri, Senators Panfilo Lac­son, Joel Villanueva, Sonny Angara, Sherwin Gatchalian, Nancy Binay, Grace Poe, out­going Senators Gringo Honasan, Francis “Chiz” Escudero at Loren Legarda.