Mister mo, Regine, first time nagdrama… OGIE, TINALO SINA EDDIE, COCO, DINGDONG, NONIE, ETC. SA BES

Anj Cabilla / PAK ANG GANAP!

WAGI sa unang pagkakataon bilang Best Actor ang magaling na singer na si Ogie Alcasid sa 35th PMPC Star Award for Movies na ginanap sa Newport Arts and Theater noong Linggo (Hunyo 2).

Kahit ito ang una niyang drama movie, tinalo ng actor-singer ang magagaling at bete­ranong aktor sa industriya tulad nina Nonie Buencamino para sa pelikulang Distance, Paolo Contis (Through Night and Day), Dingdong Dantes (Sid and Aya), Coco Martin (Jack Em Popoy: The Pulis­Credibles), Daniel Padilla (The Hows of Us), Piolo Pascual (Ang Panahon ng Hali­maw), James Reid (Never Not Love You), Vic Sotto (Jack Em Popoy: The Pulis­Credibles) at ang veteran actor na si Eddie Garcia para sa award-winning film na Rainbow’s Sunset.

Sa kanyang acceptance speech, pinasalamatan ni Ogie ang mga bumubuo ng pelikula nilang Kuya Wes na nag­tiwala sa kanya para gampanan ang role ni Kuya Wes.

Aniya, “Maraming-maraming salamat. I am so happy. I am so grateful and truly humbled.”

Dugtong pa niya, “Aka­lain n’yong naging Best Actor ako.”

Halos mangiyak-ngiyak din niyang pinasala­ma­tan ang kanyang misis na si Asia’s Songbird Regine Velasquez na sinuportahan at sinamahan din siya sa nasabing event.

Aniya, “Thank you for believing in me more than I believe in myself.”

Ang Kuya Wes ay 2018 Cinemalaya entry na tung­kol sa lalaking nagtatrabaho sa isang remittance center na na-in love sa kanyang customer.

Inialay din ni Ogie ang kanyang award para sa mga simpleng tao na katulad ng kanyang character sa pelikula.

Aniya, “The film is about a simple person who is ignored, who is invisible to many yet he just wants to love and to be loved. And so I want to dedicate this to all the simple people out there. Keep living, keep loving, keep doing what you want to do in life. This is for you.”