Habang nasa beach | 7 NAGSE-SELFIE, SAPOL SA KIDLAT

ISANG turista ang nasawi habang anim ang sugatan makaraang tamaan ng kidlat sa Siargao.

Ayon sa inisyal na imbestigasyon, namamasyal sa Naked Island ang mga biktima nang biglang sumama ang panahon.

“Nagpi-picture-picture lang kami tapos biglang ano na lang. Biglang may umano na puti. Wala, nag-blackout na talaga kami. Wala na ‘kong naaalala after noon. Tapos ‘yung isang namatay as in super lapit ko lang sa kanya,” panayam sa isa sa mga bikti­ma na si Suzanne Simagala.

Ilan pang nakasakay sa bangka at paalis na sana sa isla ang hindi nakaligtas sa kidlat.

Kuwento ng tour guide na si Grace Tolibas, pagsa­kay ng mga ito sa bangka ru’n na tumama ang kidlat.

Kaugnay nito, nasawi ang turistang si Lee Christian Zamora.

Wala umano itong external injuries kaya posibleng cardiac arrest umano ang ikinasawi nito.

May mga sugat naman sa leeg ang isa pang biktima na nakakuwintas nang tamaan ng kidlat. (BRT)