Ni-lock ng amo ang fire exit habang oras ng trabaho
Dear Chief Acosta,
Nang mamatay ang aming amo, ang kanyang anak na panganay na ang pumalit sa kanyang pamamahala sa kanilang negosyo. Ang aming kasalukuyang amo ay masyadong mahigpit sa mga trabahador kung saan ikinakandado nito ang fire exit ng establisimyento habang nasa oras ng aming trabaho para raw hindi kami makatakas. Nais naming malaman kung maaari ba niyang gawin ito? — Tristan
Dear Tristan,
Para sa inyong kaalaman, ang batas na nakasasaklaw sa inyong katanungan ay ang Section 8 (f) ng Republic Act (R.A.) No. 9514 kung saan nakasaad na:
“Section 8. Prohibited Acts. - The following are declared as prohibited act and omission.
◘◘◘
(f) Locking fire exits during period when people are inside the building;” (Binigyang-diin)
Samakatwid, mahigpit na ipinagbabawal ng ating batas na ikandado o i-lock ang fire exits ng mga gusali habang mayroong tao sa loob nito at ang paglabag nito ay may karampatang kaparusahan ayon sa batas.
Nawa ay nasagot namin ang inyong mga katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa isang abogado.
Maraming salamat sa inyong patuloy na pagtitiwala.
Comments