Ngayong pasukan, kaso ng bullying dapat tutukan!
PASUKAN na naman, paniguradong marami sa mga estudyante ang hindi pa handa dahil may ibang nagbabakasyon pa at kinakabahan sa paglipat ng eskuwelahan.
Gayunman, sa ngayon ay nasa 22 kaso na ng cyberbullying ang naitala ng PNP mula noong Enero 2017 hanggang Marso 2019 na kinasasangkutan ng mga menor-de-edad sa pamamagitan ng social media at dahil pasukan na, malaki umano ang posibilidad na mas tumaas pa ang kaso ng bullying.
Kaya nananawagan ang Philippine National Police (PNP) sa mga biktima at magiging biktima pa na kaagad lumantad at magsampa ng kaso laban dito nang sa gayun ay maimbestigahan at maparusahan ang sinumang gagawa nito.
Samantala, mahalagang mai-report sa awtoridad ang kaso ng bullying, partikular ang mga kabataan na walang kalaban-laban.
Dagdag pa rito, upang maagapan ang pang-aabuso sa loob ng campus, makikipag-ugnayan umano ang PNP sa mga opisyal ng iba’t ibang paaralan sa buong bansa.
Kaya paalala sa lahat, ang bullying kahit kailan ay hindi dapat ipagsawalambahala, ito ay dapat tuldukan at tigilan na ninuman!
STOP BULLYING!
Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.
Comments