ATHLETICS DIONES AT BAUTISTA, SUSUKATIN SA ASIAN GRAND PRIX

DITO masusukat kung gaano kahanda ang mga Pinoy sa 30th Southeast Asian Games sa 2nd-leg Asian Grand Prix Athletics Competition na lalarga sa Hunyo 2 sa Chongqing Province tampok ang mga sikat at kilalang atleta sa rehiyon kasama ang “Big Three” host China, Japan at South Korea.

“The event will gauge the strength and competitiveness of the Filipinos how far they go and how really prepared against crack athletes in Asia,” sabi ni American coach Roshan Griffin katuwang sina dating SEA Games long jump gold medalist Joebert Delicano at Jojo Posadas.

Apat na mga atleta ang sasabak na sina reigning SEA Games triple jump champion at national record holder Mark Harry Diones, Clinton Kingsley Bautista, Filipino-American Kristina Knott at two-time Olympian at dating Asian Athletics long jump queen Marestella Torres-Sunang.

Babanat ang apat sa dalawang stages ng torneo na sinuportahan ng Philippine Sports Commission na pinamumunuan ni Chairman William Ramirez bilang paghahanda sa 11-nation SEAG sa Nob. 30, Bonifacio Day, na tatagal hanggang Dis. 11.

Lalahok ang tubong Bicol na si Diones sa triple jump, Bautista sa 100m hurdles at si Knott sa 100m dinomina ni fellow Fil-Am Kayla Richardson noong 2015 SEAG sa Singapore.

Unang lumahok si Knott at nanalo sa nakaraang foreign flavoured National Open Athletics sa Ilagan, Isabela kung saan nanalo rin ang kapwa Fil-Ams na sina Brazil Olympian Eric Shauwn Cray, Nicole Uy at Carter Lily.

Si Knott, 24, ay Ipinanganak sa Orlando, Florida, USA, at ang kanyang ina ay taga-Imus, Cavite.

Sa panayam kay Diones, inamin ng Bicolanong two-time NCAA MVP at reigning SEAG triple jump champion na mahirap ang kanyang pagdaraanan bago makarating sa tugatog ng tagumpay dahil Asian level and competition at lahat ng kalahok ay magagaling.