8 yrs. old inumpog sa pader, sinakal, sinaksak | MAKULIT NA APO, PATAY KAY LOLO

NABURYONG kaya hindi napigilang sakalin ng 56-anyos na lolo ang kan­yang 8 taong gulang na apo sa Isabela, Neg­ros Occi­dental.

Boluntaryo namang su­mu­ko sa Isabela Municipal Police Station (IMPS) ang suspek na si Pablo Talanas, magsasaka at residente ng Sitio Aguntihang, Bgy. Ri­verside.

Nabatid sa naantalang ulat ng pulisya, naganap ang insidente alas-6:00 ng gabi noong Mayo 26 sa loob ng bahay ng maglolo.

Kasalukuyan umanong umiinom ng alak ang suspek nang dumating ang biktima at kuwentuhan siya nito ng kung anu-anong bagay na sinaway umano ng suspek.

Gayunman, hindi tuma­himik ang biktima kaya nai­rita ang lolo at dinakma ang kanyang apo sabay hi­nam­pas ng dalawang ulit ang ulo nito sa pader bago sina­kal.

Hindi pa umano na­kun­tento ang lolo at binusalan pa nito ang bibig ng bata upang hindi makasigaw at sinaksak ng barbeque stick ang puwit.

Nang makitang wala nang malay ang bata ay bi­nitbit ito ng suspek at dinala ang katawan sa tabing- kal­sada at doon iniwan na na­diskubre naman ng ilang ka­pitbahay.

Itinanggi pa ng suspek ang krimen subalit, kalaunan ay inamin din nito at sinabing nakulitan umano siya sa kan­yang apo kung saan hin­di na siya nakapagpigil at nagawa ang krimen.

Sinampahan na ng ka­song murder in relation to child abuse ang suspek.