Kanong pedophile arestado sa NAIA

ISANG pinaghihi­nala­ang pedophile ang inaresto sa Ninoy Aquino Interna­tio­nal Airport (NAIA) ha­bang nakikipagtagpo ito sa isang babaeng menor-de-edad.

Hindi na nakapalag ang American national na si Piotr Kmita, 43, nang arestuhin sa isang entrapment operation ilang minuto makaraang ma­karating sa Manila via China Eastern Airlines mula sa Pudong, China.

Ayon kay Bureau of Im­migration Port Ope­rations Division Chief Grif­ton Me­dina, lumabag sa Expan­ded Anti-Trafficking in Per­sons Act si Kmita.

Agad na inilipat sa kus­todiya ng Philippine Natio­nal Police women and chil­dren protection center sa Pampanga si Kmita kung saan ipinanganak ang me­nor-de-edad.

Ayon kay BI-NAIA Bor­der Control and Intelli­gence Unit Head Bienvenido Castillo, humingi ng tulong ang US-Homeland Security Investigation (HSI) para i-monitor ang American pe­dophile makaraang madis­kubre na nakikipag-usap ito sa isang menor-de-edad sa Pilipinas sa Facebook.

Aniya, binigyan ng im­por­masyon ng HSI ang PNP Regional Office sa Pam­panga na sumama sila sa operasyon para ma-in­tercept ang sus­pek. Binigyan naman ng ko­mendasyon ni BI Com­mis­sioner Jaime Morente ang mga BI officer at miyembro ng pulisya sa pagkaka­da­rakip sa foreign pedo­phile.