Dahil sa bagong batas na susuporta sa mga magsasaka at mangingisda; problema sa agrikultura, posible

RYAN B. SISON / BOSES

MATATANDAANG, maraming mag­sasaka at mangingisda ang hu­mihingi ng tulong sa gobyerno hinggil sa kanilang proteksiyon at mga per­sonal na panga­ngailagan sa buhay.

Kung saan ngayon ay mukhang maibibigay na ito sa kanila dahil ni­lagdaan na ni Pangulong Rodrigo Du­terte ang Sagip Saka Act na nag­lala­yong tulungan ang mga magsasaka at mangingisda sa buong bansa.

Sa ilalim ng nasabing batas ay ina­ata­san ng gobyerno ang pagbuo ng far­mer at fisherfolk enterprise program kung saan magbibigay ang pamahala­an ng modernong teknolohiya sa pag­sa­saka at pangingisda, gayundin sa pagnene­gosyo.

Dagdag pa rito, popondohan din umano ng gobyerno ang pagsasaka at pangingisda sa pamamagitan ng pag­ka­karoon ng access sa financing, cre­dit grants at crop insurance.

Gayunman, kabilang sa mga maki­kinabang sa nasabing batas ay ang mga magsasaka, mangingisda, producer group at piling small and medium en­terprises.

Sa totoo lang, maganda ang batas na ito dahil tiyak na marami ang ma­kikina­bang dito, pero ang hiling natin sa mga ahensiyang hahawak nito, itigil ang pa­giging korup at panggigipit nang sa gayun ay talagang maibigay ang panga­ngailangan ng mga magsasaka at ma­ngingisda na matagal nang nagtitiis sa kakarampot na kita.

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.