Nanlabang pusher todas

CABANATUAN CITY — Isang drug pusher ang napatay nang makipagbarilan sa pulisya na nagsa­gawa ng buy-bust operation, kamakalawa sa Bgy. Barrera sa lungsod na ito.

Nakilala ang suspek na si Randy Calanday, na­katira sa Villaluz Subdivision, Bgy. Mabini Homesite sa nabanggit na lungsod.

Ayon sa ulat, darakpin sana sa buy-bust operation si Calanday, pero nanlaban ang suspek at pinagbabaril ang mga awtoridad.

Dahil dito, agad namang gumanti ng putok ang mga tauhan ng pulisya na naging dahilan kaya napa­tay ang suspek.