Tulong-pinansiyal ng SSS para sa mga apektado ng lindol sa Pampanga

BUTI NA LANG MAY SSS

Dear SSS,

Magandang araw! Mayroon bang tulong-pi­nansiyal ang SSS para sa mga naapektuhan ng lin­dol noong Abril sa Pam­panga? Nakalulungkot da­hil nagtamo ng pinsala ang aming tirahan. Mara­ming salamat! —Leo

Sagot

Para sa inyong katanu­ngan, hindi mo nabanggit kung saang bayan sa Pam­panga kayo nakatira sapag­kat nagsimula nang tumang­gap ang SSS ng aplikasyon para sa Calamity Assistance Package (CAP) para sa mga miyem­bro at pensiyunado na na­apektuhan ng lindol noong Abril. Subalit, ang ta­nging tinatanggap na aplikas­yon ay mula sa mga miyem­bro at pensiyunado na nani­ni­rahan o may ari-arian sa Po­rac, Pampanga. Ang nasa­bing bayan pa lang sa Pam­panga ang idineklara ng Na­tional Disaster Risk Reduc­tion and Management Coun­cil (NDRRMC) na nasa ila­lim ng state of calamity bun­sod ng Magnitude 6.1 na lindol kamakailan sa Gitnang Luzon.

Sa ilalim ng CAP, maa­aring makakuha ng calamity loan, advance three-month pension at direct house repair and improvement loan ang mga miyembro at pensiyu­na­do na naninirahan o may ari-arian sa nabanggit na lalawigan.

Para sa mga miyembro, maaaring mag-apply ng ca­lamity loan na aabot sa P16,000 kung sila ay nagba­bayad ng kontribusyon ba­tay sa pinakamataas na month­ly salary credit (MSC). Kinakailangang mayroon silang hindi bababa sa 36 buwang kontribusyon kung saan ang anim nito ay dapat naihulog sa loob ng 12 bu­wan bago ang petsa ng apli­kasyon. Dapat hindi pa nabi­bigyan ng anumang final be­nefit mula sa SSS tulad ng total permanent disability at retirement benefits.

Ang calamity loan assis­tance ay hiwalay na pautang sa regular na salary loan kaya ang mga miyembro na may natitirang utang sa salary loan ay maaari pa ring mag-apply sa calamity loan. Gayunman, hindi kuwalipikado sa cala­mity loan ang mga miyembro na may nalalabing utang sa ilalim ng Loan Restructuring Program (LRP) o sa mga naunang CAP.

Maaari ring mag-avail ng calamity loan ang mga Over­seas Filipino Worker (OFW). Kinakailangang ang OFW ay residente ng mga lugar na idineklarang lugar na nasa ilalim ng state of calamity. Da­pat mag-isyu ang OFW ng authorization letter sa kanyang kinatawan na mag­pa-file ng kanyang calamity loan application.

Maliban sa calamity loan, ang mga miyembrong nasira ang bahay ay maaari ring mag-avail ng Direct House Repair and Improvement Loan Program. Hanggang P1 milyon ang maaaring utangin. Ito ay may interest na walong porsiyento kada taon para sa utang na may halagang aabot sa P450, 000 at siyam na porsiyento kada taon na­man para sa utang na mula P450, 000 hanggang P1 milyon. Gayundin, bibigyan ang borrower ng anim na bu­wang moratorium sa pagba­bayad at hindi na rin paba­bayaran ang 1% na proces­sing fee.

Upang makapag-apply sa Direct House Repair and Improvement Loan, ang mi­yembro ay kinakailangang may edad na hindi hihigit sa 60 at nakapaghulog ng hindi bababa sa 24 buwan kontri­bus­yon kung saan ang tatlo nito ay naihulog sa loob ng 12 buwan bago ang buwan ng aplikasyon.

Ang mga pensiyunado naman ay maaaring mag-avail ng advance three-month pension. Kinakaila­ngan lamang na magpakita ng barangay certification bilang patunay na sila ay naninira­han sa nasalantang lugar na idineklara ng NDRRMC.

Maaaring mag-apply para sa calamity loan at ad­vance three-month pension mula Mayo 17, 2019 hang­gang Agosto 16, 2019. Sa­mantala, ang aplikasyon para sa Direct House Repair and Improvement Loan ay mula Mayo 15, 2019 hanggang Mayo 15, 2020.

Sa mga interesadong mi­yembro at pensiyunado, ma­aaring mag-file ng aplikasyon sa pinakamalapit na sangay ng SSS. Maaaring i-down­load ang mga kaukulang application form, barangay certification at authorization letter sa SSS website sa www.sss.gov.ph.

Nawa’y nasagot namin ang inyong katanungan.

◘◘◘

Nais natin ipaalam sa mga retiree pensioner na bukas ang Pension Loan Program ng SSS para sa inyong pa­nan­daliang pangangaila­ngang pampinansiyal. Ina­an­yayahan natin ang mga pen­siyunado na nais mag-avail ng Pension Loan Pro­gram na magsadya sa pina­kamalapit na tanggapan ng SSS sa kanilang lugar.

Para sa inyong mga katanungan at problema, sumulat sa BUTI NA LANG MAY SSS, at BULGAR BLDG, 538 Quezon Ave., Quezon City o mag-email sa "sss.bulgar@gmail.com". Puwede ring magdala ng personal ng mensahe sa ating Facebook page: https://www.facebook.com/BULGAR.OFFICIAL