Lalaki nilapa ng buwaya, patay

BINALOT ng hilakbot ang isang barangay sa bayan ng Rizal sa Palawan matapos mabalitaang may isang tao ang nilapa nang buhay ng buwaya sa kanilang lugar, noong Biyernes.

Ayon sa report ng pu­lisya, posibleng ang 35-an­yos na lalaking residente ng Sitio Bulikawa, Bgy. Cani­paan na si Jomar Banggali ang inatake ng buwaya batay na rin sa pahayag ng kanyang mga kaanak.

“Nakita ‘yung bangkay at marami raw kagat sa parte ng leeg, sa ulo, sa braso at sa katawan,” pa­hayag ni Forester Jovic Fa­bello sa pulisya.

Lumalabas sa imbesti­gas­yon na Huwebes pa ng hapon nang mawala si Bang­gali sa Canipaan River.

Kinabukasan, nakita na lamang ang kanyang bangkay sa Katiringan sa nasabi ring bayan.

Kung sakaling makum­pirma, ito na umano ang unang kaso ng may namatay na residente sa lugar dahil sa pag-atake ng buwaya sa Bgy. Canipaan.

Maaaring pumasok sa teritoryo ng mga buwaya ang biktima kaya inatake ito.

Posibleng depensa ito ng buwaya o may pinoprotek­tahang pangitlugan lalo na’t breeding season ngayon.

“Posibleng nakita ng buwaya na ‘yung tao ay na­liligo sa ilog or may gina­gawa doon sa ilog and ang tingin naman niya hindi niya naman ma-distinguish kung tao ‘yun o hayop. So, ang na­tural tendency lalo na kung gutom siya is aatake siya,” ani Fabello.

Idineklara ng Rizal Mu­nicipal Government ang Ca­nipaan bilang crocodile sanctuary.