3 sangkot sa droga, timbog

TATLONG hinihinalang sangkot sa iligal na droga ka­bilang ang isang menor-de-edad na babae ang arestado matapos mag-eskandalo sa Caloocan City.

Alas-9:30 ng gabi, nagsa­sagawa ng anti-criminality campaign ang mga opera­tiba ng Caloocan Police Sta­tion Special Operation Unit sa pangunguna ni P/Capt. Jer­vies Soriano sa DM Compd., Bgy. 73 nang ma­pansin ang dalawang babae na nag-a­away at nagsasa­kitan sa ha­rap ng publiko.

Nang komprontahin ng mga operatiba, pumalag at nagpatuloy ang dalawang babae na nakilalang si Lyca Castillo, 20, at ang 14-anyos na dalagita sa kanilang pag-aaway kaya napilitan ang mga pulis na arestuhin ang mga ito at narekober sa ka­nila ang apat na sachets na naglalaman ng hinihinalang shabu.

Nauna rito, alas-6:30 na­man ng gabi nang maaresto ng mga tauhan ng PCP-7 si Ricky Laroya, 40, construc­tion worker, matapos mag­wala at maghamon ng away habang armado ng dalawang bolo sa Bgy. 162.

Nang kapkapan, nakum­piska sa suspek ang sachet na naglalaman ng hinihina­lang shabu, ilang drug para­phernalias na may bahid ng shabu at dalawang bolo.