PBA LEGENDS FACE OFF ABANGAN SA PASIG CITY

MULING matutunghayan ang blockbuster Return of the Rivals tournament mula nang una silang maglaro noong Pebrero at sa paghahatid ng UNTV ng isang charity event, itatampok nila ang PBA Legends Face Off simula sa Hunyo 2 sa Pasig City Sports Center. Idaraos ang month-long tournament na rivalries sa pagitan ng Ginebra at Purefoods (ngayon ay Magnolia) maging ang San Miguel Beer at Alaska Aces na may mga papremyo mula sa 4th place na P2-M na direktang mapupunta sa PBA Legends Foundation. Ito na rin ang ika-4th time nilang pagdaraos ng torneo kung saan ang unang nabenepisyuhan ay si legendary Samboy Lim ng SMB. Noong 2017, pinagkalooban ni UNTV Cup founder Daniel Razon ng P1-M seed money ang PBA Legends Foundation upang matulungan ang mga dating professional basketball players na may sakit at nangangailangan ng tulong medikal.

Isang taon matapos iorganisa ang unang PBA Legends Charity Golf tournament, nagpahatid ang liga ng tulong kina dating SMB at Welcoat (Rain or Shine) player Joey Mente na nagka-cancer at dating Crispa guard Johnny Revilla.

Itatampok ng SMB sina Allan Caidic, Ato Agustin, Dondon Hontiveros, Danny Ildefonso at Olsen Racela, sa Alaska at sina dating MVP winners Johnny Abarrientos, Willie Miller at Kenneth Duremdes, Bong Hawkins, Jeffrey Cariaso at Jojo Lastimosa habang ang Purefoods ay pangungunahan nina 4-time MVP Alvin Patrimonio, Jerry Codiñera, Bong Ravena, Dindo Pumaren at Roger Yap. Ang crowd-favorite Ginebra ay pangungunahan nina Jayjay Helterbrand, Bal David, Pido Jarencio, Vince Hizon, Marlou Aquino at Rudy Distrito. Ang Return of the Rivals event, ayon kay Razon ay pakay makatipon ng P3-M na cash donation. (MC)