Trump nag-walkout sa meeting

BIGLANG nag-walkout si US President Donald Trump habang nakikipagpulong sa mga Demokratikong mambabatas.

Nakatakda sanang pag-usapan ng dalawang kampo ang tungkol sa gastos ng gobyerno sa imprastruktura.

Ayon kay Trump, ititigil nito ang pakikipagtulungan sa mga demokratiko kung iaatras nila ang imbestigasyon na may kaugnayan sa Mueller special counsel report.

Kaugnay ito ng diumano’y pakikialam ng Russia sa nakaraang presidential election.

Matagal nang plantsado ang pakikipagpulong ni Trump sa mga demokratiko matapos mapagkasunduan ng dalawang panig ang posibleng $2 trillion infrastructure proposal.

Inaasahang magbibigay ng karagdagang detalye si Trump sa Democrats kung paano mababayaran ito.

Ngunit, hindi ito umepekto kay Senate Minority Leader Chuck Schumer.

Ayon sa kanya, walang ideya si Trump kung paano ito mababayaran kaya napilitan itong tumakbo para makaiwas.