Panawagan para sa mga kandidatong wagi sa Senado, Pilipino muna bago ang pamomolitika!
MATAPOS ang ilang araw na pagbibilang ng boto, naiproklama na ng Commission on Elections (Comelec) ang 12 nanalong senador na manunungkulan para sa taumbayan.
Gayunman, nakiusap ang Palasyo sa mga ito na unahin ang mga Pilipino at isantabi ang pamomolitika.
Sa ngayon, ang pinakaproblema ng mamamayan ay kahirapan na dulot ng pagtaas ng presyo ng mga bilihin, hindi sapat na suweldo at kakulangan ng oportunidad sa trabaho at ‘yun ang inaasahan nating bibigyan nila ng pansin at prayoridad.
Dagdag pa rito, ang mga kabataan na naliligaw ng landas, matinding trapik at kriminalidad.
Hindi ‘yung kung anu-anong proyekto na sa totoo lang ay hindi naman natin mapakikinabangan.
Matatandaang, marami ng naging proyekto ang gobyerno na masasabi nating “mema”, kaya sana, ngayong bago na ang mga uupo, maganda at maayos na plataporma na ang ihain ninyo sa lahat.
Hiling natin na huwag nang maulit ang nangyari sa nakaraan, pagbabago ay dapat ng simulan para sa mas progresibong bayan!
Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.
Comments