Bangkay gagawing pataba sa lupa, aprub

NANGUNA ang Washington bilang unang estado na legal na gawing pataba sa lupa ang mga bangkay ng tao.

Ang naturang batas ay naglalayong mabawasan ng carbon emissions mula sa paglilibing at cremations.

Sa ilalim ng batas, puwedeng pumili ang kanilang mamamayan kung gusto nilang gawing pataba ang kanilang bangkay o tinatawag na recomposition.

Ayon kay Katrina Spade, founder ng Recompose, ang recomposition ay alternatibo sa ordinaryong pag-eembalsamo at paglilibing, gayundin sa cremation.

Ito ay ligtas, natural at sustainable na makatitipid sa carbon emissions at land usage.

Ang naturang batas ay magiging epektibo sa susunod na taon.