Habang natutulog | ANAK, KINATAY NI TATAY

PINAGTATAGA ng ama ang kanyang anak na natutulog sa Sipalay, Negros Occidental.

Tadtad ng tama ng itak ang katawan ng 20-anyos na si Art Gavillanes at hindi na nakabangon pa mula sa kan­yang pagkakahiga.

Ayon kay Police Major John Batusbatusan, lasing si Gavillanes nang umuwi ito sa kanilang bahay sa Bgy. Canturay. Bigla umano itong nag­wala at nahirapan naman ang inang may sakit na awa­tin ito.

Nabatid na itinago la­mang ng ama ang sama ng loob sa kanyang anak nang mga nag­daang araw dahil makailang beses na ang gina­gawang pagwawala sa tu­wing lasing ito.

Gayunman, habang na­tutulog ang anak sa kanyang kuwarto ay dito na pinasok at pinagtataga ng ama hang­gang sa ito ay mamatay.

Agad namang sumuko sa pulisya ang ama ng bik­tima. Napag-alaman na hindi magsasampa ng kaso ang pamilya sa suspek at maaari na itong pakawalan.