Political career ng pamilya ni Erap, nagwakas na
WAKAS SA POLITIKA NG PAMILYA NI ERAP—Natalo sa pagka-alkalde ng Maynila si Mayor “Erap” Estrada. Natalo rin sa pagka-senador ang dalawa niyang anak na sina Jinggoy at JV, gayundin, natalo sa pagka-konsehal ng Maynila ang isa pang anak na si Jerika.
Samantala, natalo naman sa pagka-alkalde ng San Juan ang apong si Janella, habang natalo sa pagka-gobernador ng Laguna ang pamangkin na si ER Ejercito at natalo rin sa pagka-vice-mayor ng Cainta, Rizal ang isa pang pamangkin na si Gary Estrada.
Dahil lahat sila ay talo, indikasyon ‘yan na tapos na ang political career ng pamilya ni ‘Erap’, period!
◘◘◘
“NEVER SAY DIE” SI VP LENI SA HALALAN 2022—Hindi tinanggap ni Vice-Pres. Leni Robredo ang pag-resign sa LP (Liberal Party) nina Sen. Kiko Pangilinan at Quezon City Rep. Kit Belmonte dahil may laban pa raw sila sa Halalan 2022.
Parang ‘Barangay Ginebra Team’ si VP Leni kasi kahit walang nanalong LP sa pagka-senador sa katatapos na Halalan 2019, “never-say-die” pa rin ang LP sa Halalan 2022, boom!
◘◘◘
SENATE PRESIDENT, NAG-ALA SPOKESMAN NI “BONG” GO—Sinabi ni Senate President Vicente “Tito” Sotto III na hindi raw magiging sunud-sunuran si incoming Sen. “Bong” Go sa mga kagustuhan ni P-Duterte.
Astig talaga si Senator-elect “Bong” Go, mantakin n’yo, ang Senate President ay mistulang spokesman na niya ngayon, boom!
◘◘◘
‘NARCO-POLITICIAN’, FINANCIER NG ‘BURIKI’ SA BATANGAS—Isang “narco-politician” daw ang financier ng “Buriki Gang” (oil pilferage) ni “Dan Buriki” na nag-o-operate sa Batangas City, Ibaan, San Jose at Lipa City na pawang sakop ng STAR Tollway sa Batangas.
Kailan kaya ipato-"tokhang” ni Batangas PNP Director Col. Edwin Quilates ang “narco-politician” at si “Dan Buriki”? Abangan!
Comments