Kagawad niratrat, utas

PATAY ang 63-anyos na barangay kagawad mata­pos tambangan, kahapon ng umaga sa Tondo, Manila.

Dead-on-arrival sa Tondo General Hospital si Ernesto Sibug, kagawad sa Bgy. 131, Zone 11 at residente ng Balut, Tondo.

Batay sa imbestigasyon ng Manila Police District-Homicide Section, alas-6:02 ng umaga nang maganap ang pamamaril habang minama­neho ng biktima ang kanyang sasakyang Mitsubishi Adventure.

Pagsapit sa Beltran St., pinagbabaril ito ng suspek na sakay ng SUV at nang makitang tina­maan ang biktima ay agad itong humarurot papalayo.

Nabatid na wala uma­nong nakitang conduction sticker sa SUV ng suspek na armado ng hindi pa matiyak na kalibre ng baril.

Patuloy na ang imbesti­gasyon sa motibo at pagka­kakilanlan ng suspek.