Tumataya sa lotto

Socrates Magnus

Salaminin natin nga­yon ang panaginip ni Chel ng Chel_Kim@face­book. com

Dear Professor,

Madalas akong mana­ginip na tumataya raw ako sa lotto, pero sa totoong bu­hay ay hindi naman ako tumataya. Ano ang ibig sabihin nito?

Salamat!

Naghihintay,

Chel

Sa iyo Chel,

Hindi nakapagtataka ang mapanaginipan na tumataya ka sa lotto.

Ang mga nakikita, nariri­nig, naaamoy at nasasalat natin ay mabilis na pumapa­sok sa ating isip, kaya masa­sabing ang lahat ng nangya­yari at nagaganap ay nakare­histro na sa ating utak. Hindi ito mawawala at mabubura.

Minsan, ang sinasabi ng utak at computer ay magka­tu­lad, as in, parang iisa lang ang sistema ng computer at ng utak, pero ang totoo, ang computer ay nabubura at naba-virus. Kaya kahit ka­ilan, hindi puwedeng palitan ng computer ang mga tao.

Pero, nakatutuwa ring isi­pin na uso na ngayon ang tinatawag na AI or artifi­cial workers na sinasabing papa­lit sa mga tao. Kaya malaki ang problema ng mga kum­panya kapag ang mga ito ay na-virus.

Balikan natin ang mada­las mong mapanaginipan na tumataya ka sa lotto na maa­aring maisip mong pinata­taya ka ng panaginip mo at ikaw ay mananalo. Nakatutuwa rin, ‘di ba? Pero, madali lang malaman kung tama o mag­kakatotoo ang sinasabi ng isip mo.

Tumaya ka! Walang ma­wawala sa iyo, pero kung hin­di ka mananalo ng jack­pot ay makukuha mo pa rin ‘yung halaga na katumbas ng iyong tatayaan.

Gayunman, ang panagi­nip na nakikipagsapalaran o nakataya ang kapalaran ng nanaginip ay nagbibigay ng mensahe na ang buhay ay pa­rang laro lang. Minsan, na­nanalo at minsan ay natatalo. Kaya ang payo, iha, para sa iyo ayon sa panaginip mo ay huwag mong seryosohin ang buhay mo, partikular ang iyong love life.

Hanggang sa muli,

Professor Seigusmundo del Mundo