Tulad ng Boracay Island | Rehabilitasyon sa iba pang isla sa bansa, isagawa!

RYAN B. SISON / BOSES

MATAPOS ang halos mahigit isang taong rehabilitasyon sa Isla ng Boracay, ipinagma­laki ng Boracay Inter-Agency Rehabilitation Management Group (BIARMG) ang develop­ment nito ngayon.

Sinabi ni BIARMG General Mana­ger Na­tividad Bernandino na marami umano silang nagawang pagbabago nang nagsimula ang paglilinis dito.

Sa katunayan, on-track ngayon ang Phase II ng road improvement sa Bora­cay Island sa pangunguna ng Department of Public Works and Highways (DPWH) at ang pagsasagawa ng mga drainage canal sa pamumuno ng Tourism In­fras­tructure and Enterprise Zone Au­thority (TIEZA), gayundin, ang mga pro­yekto na malapit ng makumpleto.

Samantala, ang road widening aniya na 20-kilometer Boracay circumferential network ay matatapos umano sa loob ng dalawang taon na kinabibilangan ng 4.1-kilometer main road mula sa Cagban Port hanggang sa Elizalde Property sa station 1.

Gayunman, nakatutuwa dahil ang isla na muntik nang mapabayaan dahil sa kapabayaan ng mamamayan ay mu­ling nakabangon kung saan kitang-kita ang ganda nito ngayon.

Kaya naman, ang hiling natin sa pa­maha­laan, bigyang-pansin din ang iba pang isla sa bansa na nangangailangan ng kalinga.

Kung kinakailangang magsagawa ng rehabilitasyon sa mahabang panahon, gawin!

Ngunit, para magtagumpay ito, ko­ope­rasyon ng lahat ang kailangan para sa mas magandang kapaligiran.

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.