Pusher todas sa drug-bust

NUEVA ECIJA—Isang drug pusher ang napatay nang makipagbarilan sa pulisya na nagsagawa ng drug-bust ope­ration, kamakalawa sa bayan ng Nampicuan sa lalawigang ito.

Ang suspek ay nakilalang si Arturo Alfonso, nakatira sa Bgy. Poblacion, Moncada, Tarlac.

Nabatid na darakpin sana sa drug-bust operation si Alfonso, pero nanlaban ang suspek at pinagbabaril ang pulisya.

Dahil dito, agad gumanti ng putok ang mga awtoridad kaya napatay ang suspek.