Libreng CR sa mga terminal, pirma na lang ni P-Digong

KULANG na lang ng lagda ni Pangulong Rodrigo Duterte para maipatupad na ang panukalang libreng paggamit ng mga sanitary fa­cility sa mga land transpor­tation terminal sa bansa.

Sa ilalim ng House Bill 725, ipagbabawal ang pani­ningil sa mga pasahero para makagamit ng comfort room, drinking station at hand­washing area.

Inoobliga rin ng panuka­lang-batas ang mga may-ari, operator at administrador ng land transportation terminals na tiyaking may maayos at malinis na pasilidad na lib­reng ipagagamit sa mga pa­sahero.

Kailangan namang ipa­kita ng mga pasahero ang bi­nayarang bus ticket para ma­kagamit ng regular sanitary facilities.

Papatawan ng P5,000 multa ang mga lalabag.

Limang taon matapos ang pagpapairal ng panu­kala, ipinarerepaso sa Land Transportation Franchising and Regulatory Board (LTFRB) kung naaangkop pa ang halaga ng multa at ang posibilidad na baguhin ito.

Ikinakatwiran ng nagtu­lak ng panukala na ang mga rest area at pasilidad sa mga terminal ay bahagi ng ser­bisyo sa publiko at hindi ito da­pat sinisingil sa mga pa­sahero.