P-Duterte, mas prayoridad ang Pederalismo kaysa sa death penalty, hmmm...
- BULGAR
- May 20, 2019
- 1 min read
MAS OKAY ANG PEDERALISMO KAYSA SA DEATH PENALTY—Sabi ni Presidential Spokesman Salvador Panelo, ngayong nagwagi sa eleksiyon ang mga kandidato ni P-Duterte ay mas prayoridad daw ng pangulo na maisabatas ang pederalismo kaysa sa death penalty.
Okay ‘yan kasi ang isa sa layunin ng Pederalismo ay pangkabuhayan ng mamamayan, eh, kung death penalty, naku, pagpatay ‘yan, boom!
◘◘◘
PAGHAHARI NG MGA TRAPO SA POLITIKA, MALAPIT NANG MAGWAKAS —May ilang kamangha-manghang pangyayari ang naganap sa nakalipas na eleksiyon.
Si Vico Sotto, tumakbong walang line-up ay tinalo si Mayor Bobby Eusebio na kumpleto ang line-up; ang katutubong si Odi Otol, tinalo niya ang ‘manok’ sa pagka-alkalde ni P-Duterte na si Cesar Magsaysay sa Narra, Palawan; ang sepulturerong independent candidate na si Arnel Garces ay topnotcher bilang konsehal sa Taal, Batangas.
Indikasyon kaya ito na malapit nang magwakas ang paghahari ng mga traditional politician (trapo) sa bansa? Kasi ang lahat ng kanilang mga tinalo ay mga trapo, period!
◘◘◘
NALALAPIT NA ANG WAKAS NG PARTIDONG LP—Wala kahit isa sa mga kandidato ng Liberal Party (LP) ang may pag-asa pang manalo sa pagka-senador.
Sa ibang posisyon ay bilang lang sa mga daliri ang mga LP na nagwagi sa katatapos lamang na halalan.
Naku, masamang pangitain ‘yan kasi tila ito na ang wakas ng partido ng mga “yellow politicians” sa Pilipinas, boom!
◘◘◘
“GILBERT”, PROTEKTOR DAW NG VK NI ‘RICO’ SA BATANGAS CITY—Isang “Gilbert” daw ang protektor ng salot na video karera ni “Rico” sa Batangas City.
Kailan kaya gagawa ng aksiyon sina Mayor Beverly Dimacuha at Col. Sancho Celedio para matigil na ang panraraket ni “Rico” sa mga taga Batangas City? Abangan!
Comments