DONAIRE VS. INOUE SA WBSS BANTAMWEIGHT FINALS

SA wakas makakaupakan na ni reigning WBA (Super) Bantamweight World Champion Nonito “The Filipino Flash” Donaire si undefeated Japanese star Naoya Inoue sa finals ng World Boxing Super Series Bantamweight Tournament at natupad na rin ang kanyang hiling.

Unang sinabi ni Donaire na nais niyang makasagupa ang Japanese star sa finale ng naturang torneo matapos niyang magwagi sa WBSS Bantamweight Tournament semifinals kontra Stephon Young noong Abril.

Kasalukuyang may hawak ng WBA (Regular) at IBF Bantamweight World Championships ang 26-anyos na si Inoue (18-0, 16 KO) na kailangan na lang ng 2 rounds upang tibagin ngayong araw sa Glasgow Scotland sa semifinal si dating IBF titleholder Emmanuel Rodriguez sa WBSS Bantamweight Tournament. (MC)