Dinukot sa Libya | 3 PINOY CIVIL ENGINEERS, LAYA NA

IKINAGALAK ng gobyerno ng Pilipinas ang pagpapalaya sa tatlong Pinoy Civil Engineers makaraang kidnapin ng armadong grupo sa site ng Great Man-Made River Project sa Southern part ng Libya noong 2018.

Hindi muna pinangalanan ng Department of Foreign Affairs (DFA) ang tatlong inhinyero.

Nagpasalamat ang DFA sa naging ayuda ng United Arab Emirates, Libya, South Korea at iba pang mga kaalyadong bansa na namuno upang mapalaya ang mga biktima kasama ang kanilang Korean colleague.

Walang petsang ibinigay ang DFA kung kailan pinalaya ang mga biktima ng kanilang mga kidnapper.

Inihahanda na ng DFA ang pagbabalik sa bansa ng mga biktima upang makapiling ang kanilang mga mahal sa buhay.

Sa report, dinukot ang tatlong Pinoy kasama ang ilang Koreano noong Hulyo 2018 sa kanilang project site na nasasakupan ng Southern part ng Libya.