Huli sa akto | BEYBI, INABUSO NI UNCLE

KULONG ang isang lalaki matapos ireklamo ng kanyang nakatatan­dang kapatid ng pang­momolestiya sa isang taong gulang niyang anak sa Navotas City.

Sa tinanggap na ulat ni Navotas Police Chief P/Col. Rolando Balasa­bas, alas-9:00 ng umaga nang iwanan ng 39-anyos na ginang ang kanyang sanggol na anak na babae sa tabi ng kanyang 26-anyos na kapatid na itinago sa pangalang ‘Jojo’, wa­lang hanapbuhay at nakatira sa bahay ng kanyang ate.

Nang silipin ng ginang ang anak, nakita umano nito na tatlong beses na hinalikan ng kanyang kapatid ang sanggol na hindi niya binigyan ng malisya sa pag-aakalang nasasabik lang sa pamangkin ang suspek.

Gayunman, nang muli niyang silipin ang anak, laking-gulat ng ginang nang maaktu­hang inuupuan na ng kanyang kapatid ang sanggol niyang anak kaya dali-dali niyang kinuha ang bata.

Nagsumbong ang ginang sa mga nag­rorondang opisyal ng barangay na naging dahilan upang arestu­hin ang suspek na ngayon ay nahaharap sa kasong acts of lasciviousness sa piskalya ng Navotas City.