Sekyu tinodas sa trabaho

DEDBOL ang security guard matapos barilin ng hindi pa nakikilalang suspek sa kanyang pinapasukang trabaho sa Bgy. Canlubang, Calam­ba City, Laguna.

Batay sa initial report, alas-10:55 ng gabi habang naka-duty sa Riomonte Nuvali ang biktimang si Hila­rio Talaman, kasama ang kanyang katrabaho nang pasukin ng armadong lalaki na naka-maskara.

Agad siyang pinag­babaril sa katawan na ikinasawi nito.

Samantala, wala pang malinaw na motibo at pagkakakilanlan ng salarin.