Otso Diretso, bokya | DUTERTE MAGIC, EPEKTIB

IGINIIT kahapon ng Malacañang na ang pag­katalo ng mga senatorial can­didate ng Otso Diretso ay patunay na nais ng mga Fili­pino na ituloy ang mga re­porma ni Pangulong Rodrigo Duterte.

Binati ni Presidential Spokesman Salvador Panelo na ang ‘resounding victory’ o pagkakapasok ng mga pambato ng administrasyon sa Magic 12.

Sinabi ni Panelo na walang duda na iba pa rin ang ‘magic’ ng pangulo.

“Undoubtedly, the Du­terte magic spelled the dif­ference. The overwhelming majority of the electorate have responded to the call of the president to support those whom he said would help pass the laws suppor­tive of his goal to uplift the masses of our people and give them comfortable lives they richly deserve”.

Isa rin aniya itong ma­tibay na mensahe ng taum­bayan na ipagpatuloy ang mga nasimulang repor­ma ng administrasyon.

Patunay din aniya na hin­di pinapansin ng publiko ang mga negatibong propa­ganda ng oposisyon laban kay P-Du­terte kabilang na ang extrajudicial killings, drug war, South China Sea at iba pa.

Kaugnay nito, nagpasa­lamat si Panelo sa mga Fili­pino dahil sa natanggap na suporta ng mga pambato ng administrasyon.

Nagpasalamat din si Panelo sa Otso Diretso at sa kanilang mga tagasuporta.