Talamak na vote-buying, 'pag napatunayan, nangangamoy 'failure of election'

KA AMBO / BISTADO

PINOSASAN si Bing­bong Crisologo sa akusasyong namimili ng boto sa Kyusi.

Saan bang lugar walang bilihan ng boto?

◘◘◘

Lahat halos ng lugar sa Pilipinas ay may naganap na vote-buying.

Kung mapatutu­nayan ito, failure election ang 2019!

◘◘◘

SA totoo lang, aktu­wal naman talagang failure of election ang halalan sa Pilipinas.

Ang nahahalal kasi ay nabibiyayaan ng “dambu­halang campaign fund”.

Bigo ang Comelec na mapigil ang vote-buying!

◘◘◘

HINDI dahil walang nagreklamo o walang nahuli sa akto ng pagbili at pagbebenta ng boto ay pagpapatunay na walang naganap na vote-buying.

Lantaran ang pa­mimili ng boto, partikular ng mga “iligalista”!

◘◘◘

BILYONG piso ang gugulin sa political ads.

Kung sino ang pina­kamayamang kandidato, siya nang magiging numero-uno.

Tama o mali?

◘◘◘

WALANG silbi ang Konstitusyon, dahil wala itong kakayahan na mapigil ang mismong vote-buying scheme.

Hindi lahat ng ba­tas ay kayang ipatu­pad, kabilang dito ang election code!

◘◘◘

KAHIT ang labor code ay hindi kayang tanggalin ang contrac­tualization na malinaw na ipinagbabawal.

Bakit nagkakaga­nito?

Palibhasa, ang mga mambabatas na naha­halal ay karani­wang hindi kuwalipi­ka­do dahil nahalal sila gamit ang “vote-buying scheme”!

◘◘◘

SA Quezon City, alam ng lahat kung sino talaga ang gumawa ng “massive vote-buying”, pero sino ang napo­sasan?

Isa lang ang mali­naw, hindi nahuli o hindi lang hinuli ang tunay na gumawa nito!

◘◘◘

MANANATILING malaking isyu ang vote-buying sa Kyusi.

Pagpapatunay ito na napakarumi ng elek­siyon sa Pilipinas!

◘◘◘

ANG kabiguan ng Comelec na maipa­tupad nang maayos ang batas sa halalan, ang mag­bubunsod ng ka­guluhan.

Higit na malala, maa­aring dumanak ang dugo dahil sa hin­di patas na pagpapatu­pad ng batas sa halalan!