Pinaboto muna bago pinatay

ISANG konsehal ng barangay ang binaril at napatay ilang sandali lamang matapos bumo­to sa Clarin, Misamis Oriental.

Napag-alamang kalalabas lamang ng polling center ng Pob­la­cion Uno Elementary School matapos bumo­to ang biktima na naki­lalang si Kagawad Rick Isidro Moreno nang isagawa ang asasinas­yon.

Sa imbestigasyon ng pulisya, pauwi na si Moreno nang ito ay sundan at malapitang barilin sa ulo ng uma­no’y nag-iisang salarin bago mag-alas-9:00 ng umaga.

Agad isinugod sa ospital si Moreno pero, idineklara itong dead-on-arrival.

Patuloy naman ang pagtukoy ng mga awto­ridad kung sino ang nasa likod ng krimen.