THAI FIGHTERS, BIDA SA ONE WARRIORS OF LIGHT

Photo : onefc.com

MULING nagbalik sa Impact Arena sa Bangkok ang ONE Championship para sa isa muling kagila-gilalas na martial arts event. One: Warriors of Light kung saan napagta­gumpayan ni reigning One Bantamweight Muay Thai World Champion Nong-O Gai­yanghadao na mapa­natili ang World title kontra Hiroaki Suzuki ng Japan sa unanimous decision sa 5 rounds habang nadale sa co-main event ni Petchdam Petchyin­dee Academy ng Thailand si Elias Mahmoudi ng Algeria para sa inaugural One Flyweight Kickboxing World Championship.

Sa main event, napanatili ni Muay Thai legend at local Thai superstar Nong-O Gai­yanghadao ang ONE Bantamweight Muay Thai World Championship nang lupigin ang challenger na si Hiroaki “Kaibutsukun” Suzuki ng Japan.

Sa co-main event, kam­peon si Thailand’s “Baby Shark” Petchdam Petchyin­dee Academy sa inaugural ONE Flyweight Kickboxing World Championship na nanaig kay Elias “The Sni­per” Mahmoudi ng Algeria sa bisa ng technical de­cision.Tagumpay naman sa kanyang debut fight si Japanese veteran Shoko Sato nang tapusin si Mark “Ty­son” Fairtex Abelardo ng New Zealand sa bisa ng malulupit na upak sa ground-and pound. Wagi si Sato sa technical knockout.

Ikinatuwa naman ng fans ni Muay Thai superstar Rodtang “Iron Man” Jitmu­ang­non ng Thailand ang panalo niya sa bisa ng knockout kontra Sok Thy ng Cambodia.