Pati eleksiyon, may kakaibang misteryo, hmmm...
HALALAN na.
Ingat sa pagbili ng boto!
◘◘◘
REKONSILYASYON ang mensahe ni Gov. Imee sa Mother’s Day kahapon.
Nagtenkyu siya sa pagkakasama sa tiket ng PDP-Laban.
Binuo ang PDP-Laban ng kritiko ni ex-P-Marcos na si dating Senate President Nene Pimentel!
◘◘◘
SI Sen. Nene ang ama ni Sen. Koko Pimentel na katiket mismo ni Gov. Imee.
Isang misteryo ang naganap, ayon mismo sa anak ni ex-P-Marcos! ◘◘◘
WALANG imposible sa politika at ang pagsasama ng dalawa sa iisang tiket ay pagpapatunay na “may kakaibang misteryo” sa eleksiyon.
Isa rin itong paniwalaan-dili na nagkatotoo!
◘◘◘
Kinumbida si Imee sa mismong miting de avance ng PDP-Laban sa Pasig City noong Sabado.
Mahalaga ang papel na ginampanan ni P-Digong upang magkaroon ng rekonsilyasyon dahil siya ang nagbendisyon kay Imee na makasama rin sa Hugpong ng Pagbabago ni Mayor Sara!
◘◘◘
NOONG isang araw, binigyan-diin ni P-Digong na tanging si ex-P-Marcos lamang ang maituturing niyang pangulo ng bansa na nakagawa ng mga “landmark” program at project na nagmarka sa kasaysayan.
Inisa-isa ni P-Digong ang mga pambihirang proyekto na naging modelo sa imprastruktura, partikular ang LRT-1 na umabot na sa LRT-7 at hindi malayong hanggang LRT-10!
◘◘◘
Sa pinakahuling resulta ng Pulse Asia Survey, nakatitiyak na si Gov. Imee na mapapasama siya sa “Magic 12” dahil nasa kalahatian na siya ng 12-slot Senate.
Sa simula ng survey bago magkampanyahan, nasa ika-12 puwesto siya, pero ngayon ay nasa pagitan siya ng no. 6-8 spot.
Kung may mawawala sa “Magic 12”, hindi ito si Madame Imee!
Comments