Pag-rehire sa mga retiradong scientist

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Magandang araw! Nais kong malaman kung ano ang mga kuwalipikasyon sa rehiring ng scientist ng Department of Science and Technology (DOST) na nagretiro na? — Cassandra

Dear Cassandra,

Para sa inyong kaalaman, ang inyong katanungan ay tinatalakay sa Section 1, Rule V ng Implementing Rules and Regulations, as amended ng Republic Act No. 8439 o mas kilala bilang “Magna Carta for Scientists, Engineers, Researchers and other S & T Personnel in the Government,” kung saan nakasaad na:

“SEC 1. HIRING OF RETIRED S&T PERSONNEL:

1.1 S&T personnel retired under any existing law, who, in the judgement of the governing board or head of research agency; possess technical qualifications and the capability to undertake specific scientific research activities, may be rehired on contractual basis without refunding the unexpired portion of the gratuity and accumulated leave benefits received by them from the government; provided that no qualified science and technology expert currently employed in the agen­cy is available to undertake said scientific activities.

1.2 The retired S & T personnel to be rehired must be mentally, emotionally and physically fit as supported by a medical certificate.” [Binigyang-diin]

Sang-ayon sa nabanggit na probisyon ng batas, upang muling mai-hire ang scientist ng Department of Science and Technology (DOST) na nagretiro na, kinakailangan lamang siya ay nagtataglay ng teknikal na kuwalipikasyon at kakayahan upang maisagawa ang mga kinakailangang scientific research activity. Bukod pa rito, kinakaila­ngang walang ibang scientist na kasalukuyang empleyado ng DOST, ang may kakayahan na gawin ang nasabing research activity. Dagdag pa rito, ang retiradong scientist na mare-rehire ay dapat may maayos na pag-iisip, emosyon at pangangatawan na suportado ng medical certificate.

Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.

Maraming salamat sa patuloy ninyong pagtitiwala.