P-Digong, nambastos na naman ng babae; DDS, nagtawanan at hiyawan pa, tsk-tsk-tsk!
P-DUTERTE, NAMBASTOS NA NAMAN NG GIRL — Sa campaign rally ng PDP-Laban sa Bohol, tila nabighani si P-Duterte sa ganda ni Mayor Tita Baja-Gallentes ng bayan ng Garcia-Hernandez kaya hindi napigilan ng pangulo na sabihan ang babaeng alkalde na sa sobrang ganda nito, hihilahin niya ang panty nito kahit pa mapigtas ang garter.
Dahil sa sinabing ‘yan ni P-Duterte, nagtawanan at naghiyawan ang mga DDS na indikasyong “kinilig” na naman sila sa pambabastos ng pangulo sa babaeng tulad ni Mayor Gallentes, boom!
◘◘◘
KAPAG NATALO ANG “OTSO DIRETSO”, MAGBU-BOOMERANG ITO SA CBCP—Inendorso ng Catholic Bishops' Conference of the Philippines (CBCP) ang mga kandidato ng Liberal Party (LP), ang “Otso Diretso”.
Kung mananalo, oks ‘yan, pero ang masaklap ay kapag matalo.
Kapag natalo sa eleksiyon ang mga inendorso ng CBCP, tiyak na magbu-boomerang ito sa Catholic Church kasi ang iisipin ng publiko na hindi sinuportahan ng mga Katoliko ang mga Obispo kaya natalo sa eleksiyon ang mga “manok” ng CBCP, period!
◘◘◘
“BIKOY”, MALAMANG, MA-‘TOKHANG’ KASI MAY WARRANT OF ARREST—Ayon sa Philippine National Police (PNP), may mga warrant of arrest daw sa kasong illegal recruitment at swindling si Peter Joemel Advincula alyas Bikoy na nagbulgar na sangkot daw sa Chinese Triad Drug Syndicate sina Presidential Son Paolo “Pulong” Duterte at ex-SAP Christopher “Bong” Go.
Aba, kung totoo ito, eh, madali na palang maipato-”tokhang” ng PNP si “Bikoy”, abangan!
◘◘◘
PANGONGOTONG NI “CAROL BAKULAW” SA MGA VENDOR, TULOY PA RIN—Hindi pa rin daw naglulubay si “Carol Bakulaw” sa panghihingi ng “tong” sa mga vendor sa Recto Avenue, Manila.
Duda natin, may taga-city hall na nagbibigay- proteksiyon sa raket ni “Carol Bakulaw” kaya kahit lantaran ang ginagawa nitong pangongotong sa mga vendor ay walang nanghuhuli sa kanya, buwisit!
Comments