Lalo na kung dehins ikaw ang trip nila para sa kanilang anak, lodi! MGA PARAAN PARA MAGUSTUHAN NG BI

SABI nila, ang pakiki­sama sa in-laws ang isa sa pinaka-crucial na parte ng pag-aasawa. Dobleng panliligaw o effort ang kailangan nating gawin para ma-win ang puso nila kung saan kailangan nating i-balance ang ating mga desisyon sa kanilang mga opin­yon. ‘Yung tipong ma­su­werte ka sa napa­ngasawa mo, pero sa biyenan? Well, ‘di natin sure! He-he-he!

Kaya, narito ang ilang tips para madali nating maka­sundo ang ating mga in-law:

1. FIND THE PERKS. Paminsan-minsan ay humingi tayo ng mga payo sa kanila nang sa gayun ay unti-unting mapalagay ang kanilang loob dahil mararamdaman nilang mahalaga ang kanilang opinyon para sa atin. Tandaan natin na mala­king tulong kapag na­ging close natin sila, lalo na sa mga bagong kasal o kasisimula pa lamang sa pagbuo ng sariling pa­milya. Mara­mi silang maibibigay na ideya upang madali nating ma-survive ang unang mga taon sa buhay-may asawa.

2. BEGIN YOUR OWN TRADITIONS WHILE RESPECTING THEIRS. Normal lang na magkaka­iba ang ating rules sa bahay at paniniwala. Kasabay ng paninin­di­gan natin sa ating mga pinaniniwalaan, dapat matutunan din nating bigyang-respeto ang ideya ng iba. Kung may mga bagay man tayong nasimulang gawin, huwag natin kalimutang maging open-minded sa mga sasabihin ng iba para iwas-aberya. Isa pa, kapag napansin nila na ganito ang ating perspective, malaki ang chance na maging bet nila tayo.

3. ESTABLISH BOUNDARIES. Para sa mga bagong kasal, bagama’t, super hirap mag-adjust, dapat nating matutunan kung paano mag-set ng boundaries sa pamilya ang ating asawa, gayundin sa sarili nating pamilya. Kaila­ngan nilang malaman na hindi porke bagong kasal kayo, eh, wala na kayong ideya o kaila­ngan ninyo palagi ng alalay. I-prove natin sa kanila na handa talaga tayo.

4. BE THERE FOR YOUR IN-LAWS DURING THE TOUGH TIMES. Panigurado, sobrang maa-appreciate nila kapag nasa tabi nila tayo sa mga pagka­kataon na kailangan nila ng karamay. Pinansiyal o moral support man ang kaya nating maibi­gay, huwag natin itong ipagdamot sa kanila. Pamilya sila ng iyong asawa kaya pamilya mo na rin sila.

5. ACCEPT THE BLESSING OF PEACE. Kapag hindi talaga tayo gusto ng ating biyenan kahit anong effort ang gawin natin, makabu­buti kung bibigyan natin sila ng space. Pero, siyem­pre, gami­tin natin ang mga panahong ito para makabuwelo o maka­hanap ng tiyempo na makagawa ng paraan para sa mga bagay na hindi ninyo pinagka­kasunduan.

6. BE MATURE. Sa totoo lang, kung gaano tayo kamahal ng ating mga magulang, gayun­din ang inyong biyenan sa iyong asawa. Kaya lawakan natin ang ating isipan at intin­dihin natin sila sa anumang pagka­kataon, hangga’t kaya nating mag-adjust para sa kanila ‘yun ang dapat nating gawin.

Bagama’t, hindi ma­dali ang makisama sa pamilya ng iyong asawa, gawin pa rin natin ito nang hindi labag sa kalooban tulad ng pagmamahal mo sa iyong asawa dahil sa ayaw o sa gusto mo, nariyan na sila bago ka pa dumating sa buhay ng taong pinili mong maka­sama, habambu­hay.